ڕێباز حەملان جێگری سەرۆکی حکومەتی هەرێمی کوردستان ڕایدەگەیەنێت، ڕۆژی پێنجشەممە لیستی مووچەی فەرمانبەران ئاشکرادەکرێت.
بڕیارە سەرەتای هەفتەی داهاتوو دەست بە دابەشکردنی مووچە بکرێت. حەملان باسی لەوەشکرد، پێشبینی دەکرێت سبەی بەغدا تەواوی مووچەی مانگی شوبات بگوازێتەوە بۆ سەر هەژماری بانکی هەرێمی کوردستان.
دوای دواکەوتنی دوو هەفتە بەهۆی دەستبەسەرداگرتنی سندوق، حکومەتی هەرێمی کوردستان دەستپێکردنی دابەشکردنی مووچەی دووپاتکردەوە.
کەسێکی ناوخۆیی لە وەزارەتی دارایی ئاشکرای دەکات، تا ئێستا مووچەی فەرمانبەران خەرج نەکراوە، لێرەوە لیستی مووچە ئاشکرا نەکراوە. ئەو سەرچاوەیە زیاتر ڕوونیشیکردەوە، سەرەڕای ڕێنماییەکانی حکومەت بۆ بڵاوکردنەوەی لیستەکە، تا ئێستا ئەو پارەیەی لە بەغداوە بۆ خەرجکردنی مووچە نەنێردراوە.
