دەستبەسەرکردنی توندوتیژانەی پەیمان نادریان لە شاری مەریوان.
پەیمان نادریان، هاووڵاتییەکی کوردی تەمەن ٢٢ ساڵ و خەڵکی گوندی "درەناخە"ی مەریوان، بەرەبەیانی ڕۆژی چوارشەممە ٥ی خەرمانانی ١٤٠٤ لە لایەن ئیتلاعاتەوە دەستبەسەر و بۆ شوێنێکی نادیار ڕاگوێزرا.
بەگوێرەی سەرچاوە ئاگادارەکان، بەكرێگیراوە خیانەتکارەکانی خامنەیی هەڵیانکوتایە سەر ماڵی بنەماڵەی نادریان و دوای ئەوەی بە توندی لێیان داوە، دەستبەسەریان کردووە و دەستیان بەسەر مۆبایلەکەیدا گرتووە.
تا ئێستا هیچ زانیارییەک سەبارەت بە هۆکاری دەستبەسەركردن، ئەو تۆمەتانەی کە ئاراستەی ناوبراو کراوە لەبەردەستدا نییە.
