بەسێ هۆزات دەستەی بەڕێوەبەریی کەجەکە رایگەیاند, دەبێت گەرەنتی گەڕانەوەی گەریلاکان بۆ تورکیا بکرێت
بەسێ هۆزات دەستەی بەڕێوەبەریی کەجەکە رایگەیاند, دەبێت گەرەنتی گەڕانەوەی گەریلاکان بۆ تورکیا بکرێت
بەسێ هۆزات، هاوسەرۆكی دەستەی بەڕێوەبەری كەجەكە، كەئەمرۆ لەناو ئەو سی كەسەدا بوو كە چەكەكانیان دانا، لەبارەی داهاتووی گەریلاکانی پەکەکەوە وتی: "گەریلاکان دەیانەوێت بەشداری لە پڕۆسەی سیاسیی تورکیادا بکەن".
هاوسەرۆكی دەستەی بەرێوەبەری كەجەكە بە ئاژانسی هەواڵی فرانس پرێسی راگەیاند، "ئێمە ئامادەین و خوازیارین بچینەوە تورکیا بۆ ئەوەی سیاسەتی دیموکراسی بکەین، درێژە بە تێکۆشانمان لەپێناو ئازادی و دیموکراسیدا بدەین."
بەسێ هۆزات دەڵێت، "پێویستە دەوڵەتی تورکیا مافی بەشداریکردن لە سیاسەتی دیموکراسیمان پێبدات. ئەگەر تورکیا هەنگاوی کرداری بنێت، یاسا دەربکات و چاکسازیی یاسایی ریشەیی بکات، ئێمە دەچینەوە تورکیا و بەشداری لە سیاسەتدا دەکەین."
